Կլիմայի առանձնահատկություններ

• Գեղարքունիքի մարզը հիմնականում գտնվում է ծովի մակերևույթից 2,000–3,500 մ բարձրության վրա։
• Մարզի տարածքին բնորոշ են մշտական զով զեփյուռները
• Ցածրադիր վայրերում՝ բարեխառն լեռնային կլիմա
• Ափամերձ շրջաններում կլիման ավելի մեղմ է, լեռնանցքներում՝ խիստ։

Եղանակների բնութագիր

Ձմեռ - բնորոշ են երկարատև, ցրտաշունչ, քամոտ ձմեռներ, կայուն ձնածածկույթով (75-ից մինչև 140–160 օր), հաճախ ուղեկցվում է բուքերով։

Գարուն – խոնավ, տեղումնառատ, հաճախ ամպրոպներով ու կարկուտով։

Ամառ - զով, միջին ջերմաստիճան (+16…+20°C), երբեմն արևոտ ու չոր, հազվադեպ՝ շոգ օրերով։

Աշուն – սկզբում մեղմ ու արևոտ, ապա՝ սառնաշունչ ու մառախուղներով։

Ջերմաստիճան

• Միջին տարեկան ջերմաստիճան՝ +5–ից -6°C
• Ամռանը՝ +16°C – +20°C
• Ձմռանը՝ -5°C – -12°C
• Ափամերձ շրջաններում +4…+6°C
• Լեռնայինում՝ մոտ +5°C
• Հունվար՝ −5…−12°C, լեռնանցքներում՝ ցածր
• Հուլիս–օգոստոս՝ +15…+20°C, լեռնային գոտիներում՝ +14…+15°C
• Բացարձակ առավելագույն՝ +33…+34°C (առափնյա շրջաններ)
• Բացարձակ նվազագույն՝ −33…−38°C (լեռնային գոտի)

Տեղումներ

• Տեղումների տարեկան միջին քանակը՝ 440 – 650 մմ, բարձրադիր շրջաններում՝ մինչև 1,000 մմ
• Առավելագույնը՝ հյուսիսային և արևմտյան շրջաններում (մինչև 647 մմ)
• Նվազագույնը՝ հարավային ափում (414–467 մմ)
• Ձմռանը գոյանում է կայուն ձնածածկույթ՝ 75 – 160 օր
• Ձնածածկույթի առավելագույն տասնօրյակային բարձրությունը՝ 37 սմ – 75 սմ (լեռնանցքներում)
• Հողի սառչելու առավելագույն խորությունը՝ 108 սմ
• Օդի հարաբերական խոնավության միջին տարեկան ցուցանիշ՝ 70%

Քամիներ

• Քամու միջին տարեկան արագությունը առափնյա շրջաններում (Գավառ)՝ 1.8 – 2.6 մ/վ
• Քամու միջին տարեկան արագությունը Սևանա կղզում՝ մինչև 4 մ/վ
• Մասրիկի հովտում՝ ամռանը մինչև 5 մ/վ

Մթնոլորտային երևույթներ

• Ամպրոպներ՝ տարեկան 50–60 օր, հաճախ կարկուտով (մինչև 6 օր)
• Մառախուղ՝ Սեմյոնովկայում մինչև 105 օր, հարավում՝ հազվադեպ (3–5 օր)
• Ձմռանը հաճախ դիտվում են բուքեր (մինչև 26–27 օր)

Արևափայլ

• Միջին տարեկան տևողություն՝ ավելի քան 2,700 – 2,800 ժամ/տարի