Հայաստանի մայրաքաղաք Երևանից Տավուշի մարզ հասանում են հիմնականում Մ4 մայրուղով։ Ճանապարհը ավտոմեքենայով տևում է 2-3 ժամ՝ կախված Տավուշում գտնվող վայրի վերջնակետից։

Ավտոմայրուղիներ

• Մ4 մայրուղի – 148.2 կմ, կապում է Երևանը Սևանի և Իջևանի հետ, շարունակվում է մինչև Հայաստան–Ադրբեջան պետական սահման։
  • Երևան → Սևան → Իջևան → դեպի ՀՀ-Ադրբեջան սահման Տավուշի կարևորագույն միջազգային կապող ճանապարհը
  • Մ-16, /Մ-4/ – Ոսկեպար – Նոյեմբերյան – /Մ-6/ միջպետական նշանակության ավտոճանապարհի 7կմ հատվածը ձգվում է Տավուշի մարզի Իջևան քաղաքից մինչև Սարիգյուղ։
• Դիլիջան-Սևան ավտոմոբիլային թունելը Մ4 ճանապարհով միմյանց է կապում Տավուշի մարզի հարավ-արևմուտքը և Գեղարքունիքի մարզի հյուսիս-արևելքը:
• Երևան – Իջևան հեռավորությունը – մոտ 130 կմ։
• Երևան – Դիլիջան հեռավորությունը – մոտ 96 կմ։

Ավտոբուս / Երթուղային

• Երևանից Իջևան ուղիղ երթուղիներ կան Հյուսիսային ավտոկայանից և Hayrenik Tour գրասենյակից։
• Ճանապարհի տևողությունը՝ մոտ 2 ժ 15 ր․
• Տոմսի արժեքը՝ 1500 դրամ։
• Երթուղայիններ՝
  • N651 – Երևան – Դիլիջան
  • N654 – Երևան – Իջևան

Տաքսի

• Տավուշում տաքսիներ շատ են։
• Գին․ 100 դրամ/կմ, նվազագույն նստելավարձ՝ 400 դրամ։
• Ավտոմեքենաներ կարելի է գտնել խաչմերուկներում և մարդաշատ վայրերում։

Ժամանակացույց

• Իջևան ⇄ Երևան
• Իջևանից → Երևան․ 09:00, 10:00, 12:00, 14:00, 15:30, 17:00
• Երևանից → Իջևան․ 09:00, 10:00, 12:00, 14:00, 16:00, 17:30
• Իջևան ⇄ Վանաձոր
• Իջևանից → Վանաձոր․ 11:00, 15:00, 17:00
• Վանաձորից → Իջևան․ 08:30, 10:30, 14:30

Երկաթուղի

Տավուշի մարզի արևմտյան սահմանի երկայնքով, Դեբեդ գետի ափով անցնում է Երևան-Թբիլիսի երկաթուղու 7 կմ-ոց հատվածը, սակայն ներկայումս մարզում երկաթուղային կայարան չի գործում:

Ինչպես հասնել Երևանից Իջևան

• Երևանից մեկնարկ – Հյուսիսային ավտոկայան կամ «Hayrenik Tour» գրասենյակ։
• Դուրս գալ Մ4 միջպետական մայրուղիով (Երևան – Սևան – Իջևան ճանապարհ)։
• Երևան → Սևան – մոտ 65 կմ․ անցնում եք Սևանի թերակղզու և լճի ափամերձ հատվածով։
• Սևան → Դիլիջան – շարունակել Մ4-ով դեպի հյուսիս-արևելք․ ճանապարհը անցնում է Դիլիջանի թունելով (մոտ 2.3 կմ) և մտնում է Դիլիջանի ազգային պարկ։
• Դիլիջան → Իջևան – Մ4 մայրուղին շարունակվում է դեպի հյուսիս, անցնելով անտառապատ լեռնաշղթաներով և գյուղերով։
• Իջևան – մարզկենտրոնը գտնվում է Երևանից մոտ 130 կմ հեռավորության վրա, ճանապարհը տևում է միջինը 2 ժամ 15 րոպե։

Ամենօրյա ուղևորափոխադրումներ՝ Երևան-Իջևան-Նոյեմբերյան

098 427 652

Ինչպես հասնել Երևանից Դիլիջան

Հեռավորություն: ~100 կմ

Ճանապարհի տևողություն: 1.5–2 ժամ մեքենայով, 2–2.5 ժամ հասարակական տրանսպորտով (կախված պայմաններից) Երթուղի՝ Մ-4 Երևան → Սևան → Իջևան → Դիլիջան

Մեքենա

• Սևանա լճից հետո ճանապարհը անցնում է գեղատեսիլ Սևանի լեռնանցքով, բացվում են գեղեցիկ տեսարաններ դեպի լեռները և անտառները։
• Ճանապարհը հիմնականում լավ վիճակում է, բայց լեռնային հատվածներում պետք է զգույշ լինել, հատկապես խոնավ եղանակին։

Հասարակական տրանսպորտ

• Երևանից՝ «Հյուսիսային ավտոկայան» → Դիլիջան
• Ճանապարհի տևողությունը՝ մոտ 2–2.5 ժամ
• Բոնուսներ․ արժեքը՝ 1,500–2,000 դրամ (2,5–5 եվրո)
• Օգտվել նաև առցանց ծառայություններից՝ GG Shuttle, Poputi
• Ժամանակացույցը նախապես ճշտել

Տաքսի

• Երևանից Դիլիջան տաքսիով՝ 10,000–15,000 դրամ (23–34 եվրո)
• Հարմար է նրանց համար, ովքեր գնահատում են հարմարավետությունն ու արագությունը
• Խորհուրդ է տրվում օգտագործել YandexGo հավելվածը

Միկրոավտոբուսներ (7+)

• Վարորդները վերցնում են ուղևորներին՝ յուրաքանչյուր անձի համար մոտ 2,000–2,500 դրամ
• Վարորդներին գտնել տեղական չաթերում կամ առցանց խմբերում

Ամենօրյա բարձակարգ ուղևորափոխադրումներ՝ Երևան-Դիլիջան

099 756 047, 094 627 454

Տավուշի մարզը գտնվում է Հայկական լեռնաշխարհի հյուսիսում՝ շրջապատված միջին բարձրության լեռնաշղթաներով։ Բարձրությունը հիմնականում 800–1700 մ, բարձրադիր տարածքները՝ մինչև 2000–2500 մ։ Մարզում առանձնանում են 5 լանդշաֆտային գոտիներ – հետանտառային, անտառային, մարգագետնատափաստանային, մերձալպյան և ալպյան։ Տարածքի մեծ մասը անտառապատ է, իսկ բարձր լեռնալանջերը ծածկված են ալպիական մարգագետիններով։

Կլիմայի առանձնահատկություններ

• Մարզը գտնվում է չափավոր խոնավ գոտում։
• Աղստևի հովիտն ու Դիլիջանի գոգավորությունը առանձնանում են առողջարար միկրոկլիմայով․ մաքուր լեռնային օդ, հանքային ջրեր, անտառներ։
• Տարածքում երբեմն լինում են կարկտահարություն (միջինում 2–4 օր, առավելապես Դիլիջանում) և ամպրոպներ (20–40 օր)։
• Բնորոշ են մառախուղները, որոնք հիմնականում լինում են ձմռանը։

Եղանակների բնութագիր

Ձմեռ - մեղմ, սակավաձյուն, միջին ջերմաստիճանը շուրջ 0°C, սակայն կայուն ձնածածկույթը միշտ չէ։

Գարուն – տևական է, խոնավ և անձրևոտ, ցրտահարությունները հաճախ են, տեղումների մեծ մասը գրանցվում է ապրիլ–հունիսին։

Ամառ - տաք, բայց ոչ ծայրահեղ շոգ․ միջինը +21…+23°C, երբեմն հասնում է մինչև +40°C։

Աշուն – տաք ու արևոտ, համեմատաբար չոր, երկարատև «ոսկե աշուն»։

Ջերմաստիճան

• Կլիման մեղմ է․ ամառը չափավոր տաք, ձմեռը՝ ոչ սաստիկ։
• Օգոստոսի միջին ջերմաստիճանը՝ +21…+23°C, առավելագույնը՝ մինչև +42°C։
• Հունվարի միջինը՝ 0°C, նվազագույնը՝ մինչև -23°C։

Տեղումներ

• Տարեկան տեղումները՝ 500–600 մմ։
• Ամենաանձրևոտ շրջանը՝ գարուն և ամռան սկիզբ (ապրիլ–հունիս)։
• Ձյունն ու ձնածածկույթը հաճախ չեն, մառախուղները՝ հաճախակի:

Քամիներ

• Հյուսիսում հաճախ դիտվում են ֆիոնատիպ տաք քամիներ, ինչի հետևանքով ձմեռները լինում են մեղմ և սակավաձյուն։

Արևափայլ

• Տարեկան արևափայլը՝ 1900–2100 ժամ։
• Ամպամած օրերը՝ շուրջ 110 օր, առավելագույնը՝ Դիլիջանում։
• Անարև օրերի թիվը՝ 65: